Nokkrar aðgerðir í bókhaldi er gott að hafa í huga um áramót.
Nánari upplýsingar má nálgast HÉR.
Útgáfa 2026.01.04 kom út fyrir skömmu. Í þeirri útgáfu hafa nýjar Staðgreiðsluforsendur 2026 verið skráðar í launakerfið. Bókhaldsárið 2026, stofnast einnig sjálfkrafa um leið og fyrsti sölureikningur ársins er gerður.
Notendur sem eru hýstir í skýinu hjá okkur hafa þegar verið uppfærðir. Aðrir notendur, þ.e. þeir sem eru með kerfið uppsett á eigin vélbúnaði, geta uppfært kerfið í nýjustu útgáfu hvenær sem er með því að smella HÉR.
Miklar viðbætur hafa verið gerðar í Stólpa á nýliðnu ári. Um 40 nýjar útgáfur komu út á árinu 2025 með miklu magni af endurbótum og nýjungum. Hér verður farið yfir örfáar, en mikilvægar, nýjungar sem líklegt er að margir notendur hafi gagn af.
Ítarlegri upptalningu breytingar má finna HÉR
Starfsmenn geta nú skráð vinnu sína og efni í gegnum app í snjallsíma, sem skilar sér sjálfkrafa og samstundis yfir í Vinnuskýrslur/Verkbókhald og þaðan á sölureikning til verkkaupa. Starfsmenn hafa einnig gott yfirlit í appinu yfir allar eldri skráningar sínar.
Starfsmenn geta nú skráð viðveru sína í rauntíma í gegnum app í snjallsíma og/eða spjaldtölvu, sem skilar sér sjálfkrafa og samstundis yfir í stimpilklukku Stólpa. Þegar skráningar hafa verið staðfestar af stjórnanda færast staðfestir tímar yfir í launakerfið og/eða verkbókhaldið, sé þess óskað.
Hægt er að skilgreina leyfðar staðsetningar (geofence) þannig að ekki sé hægt að skrá sig inn eða út hvar sem er. Valkvætt er hvort starfsmenn sjái í appinu yfirlit yfir allar eldri skráningar sínar.
Nú er enn einfaldara en áður að endurselja aðkeypt efni með réttri álagningu og tengja það við valið verk í verkbókhaldi sem endar á sölureikningi til verkkaupa. Kerfið reiknar rétt söluverð út frá forsendum notanda, en auðvelt er að breyta álagningu eða söluverði um leið og rafrænn innkaupareikningur er staðfestur. Þannig er auðvelt að tryggja að allt aðkeypt efni sé endurselt til verkkaupa.
Nú er einnig hægt með einföldum hætti að færa aðkeyptar vörur af rafrænum innkaupareikningi beint yfir á sölureikning með réttri álagningu og veita þannig góða yfirsýn yfir að allt aðkeypt efni sé örugglega endurselt með ásættanlegri álagningu.
Ný vefþjónusta gerir Stólpa kleift að tengjast öllum utanaðkomandi tölvukerfum. Stólpi getur því bæði sent og tekið á móti gögnum frá öðrum kerfum með sjálfvirkum hætti.
Ný vefbrú kemur í lok mánaðar sem tengir Stólpa við vefverslanir. Vefbrúin flytur öll helstu gögn á milli Stólpa og vefverslana fyrirtækja. Lausnin er hönnuð og þjónustuð af Netheimi, sem er sérhæft hugbúnaðarfyrirtæki á þessu sviði.
Í boði er beinn og fyrirhafnarlaus innlestur bankahreyfinga inn í fjárhagsdagbók. B2B býður einnig upp á að stofna kröfur í banka og lesa inn greiðslur á kröfum.
Stólpi býður nú innbyggða og einfalda tengingu til að senda skjöl og skýrslur úr kerfinu sem PDF-viðhengi í tölvupósti frá netfanginu noreply@stolpi.is. Afrit alls tölvupóst er einnig sent á skráð netfang fyrirtækis. Eftir sem áður er áfram hægt að tengja Stólpa við eigin póstþjón fyrirtækja þannig að tölvupóstur fari frá þeirra eigin netfangi, en slíkt kallar á sífellt flóknari uppsetningu á eigin póstþjóni fyrirtækja af öryggisástæðum.
Þrátt fyrir að rafrænir reikningar hafi að miklu leyti tekið við af pappírs- og PDF-reikningum eru slík skjöl enn hluti af bókhaldi margra fyrirtækja. Nú er hægt að umbreyta skönnuðum pappírs- og PDF-reikningum í rafræna innkaupareikninga, með upprunalegu skjali sem viðhengi, og lesa þá inn í Stólpa líkt og aðra rafræna reikninga. Viðhengi rafrænna reikninga eru svo alltaf aðgengileg í yfirliti hreyfinga hvers ldr.
Unimaze, skeytamiðlari Stólpa, býður upp á þessa lausn í samstarfi við Stólpa.
Í lánardrottnakerfi Stólpa hefur lengi verið til staðar einfalt og skilvirkt samþykktarkerfi sem hentar flestum fyrirtækjum. Í samstarfi við Unimaze er nú í boði mun ítarlegra samþykktarkerfi fyrir þau fyrirtæki sem þurfa á slíku að halda.
Þjónustuborð Stólpa veitir allar nánari upplýsingar: stolpi@stolpi.is eða í síma 512-4400
Með góðri kveðju, starfsfólk Stólpa
