Ekki alls fyrir löngu voru reikningar aðeins prentaði á pappír og sendir með sniglapósti til móttakanda. Innan fárra ára mun slíkt heyra til undantekninga. Fáum dettur lengur í hug að greiða reikninga sína með peningaseðlum. Sama þróun mun eiga sér stað í sendingamáta reikninga. Rafrænir reikningar eru mun öruggari og ódýrari leið til að senda eða móttaka reikninga. Einnig eru þeir mun umhverfisvænni og fljótlegri sendingarmáti en pappírsreikningar í sniglapósti.
Ríkið, stærri sveitarfélög og stærri fyrirtæki neita nú flest að taka við reikningum nema þeir séu sendir með rafrænum hætti. Rafrænn reikningur fer sjálfkrafa beint úr bókhaldi útgefanda og er lesinn rafrænt inn í bókhald móttakanda þar sem hann bíður staðfestingar. Eina sem útgefandi reiknings þarf að gera er að tilgreina hvernig hann skal sendur til móttakanda. Kerfið sér alfarið um rest og skilar reikningi hratt og örugglega til móttakandas. Með sama hætti sparast tími og kostnaður hjá móttakanda við skráningu innkaupareikninga.
Stólpi er í samstarfi við Unimaze um sendingu/móttöku rafrænna reikninga. Til að virkja rafræna reikninga þarf að senda beiðni þess efnis í gegn um formið hér fyrir neðan. Þjónustuver okkar aðstoðar notendur alla leið við innleiðinguna. Hægt er að fá aðgang að þjónustuvef rafrænna reikninga með því að sækja um það á vef Unimaze. Innskráning á þjónustuvef fer fram með rafrænum skilríkjum einstaklings. Fleiri en einn geta haft aðgang að þjónustusíðu rafrænna reikninga fyrir hvert fyrirtæki.
